Okkur þykjir vænt um ef þið skrifið í gestabókina og segið ykkar álit á efni síðunnar.
Grín og gaman. Höfundur: Jóna Rúna
Páskahvað?
Þetta er ekkert eðlilegt lið hérna á Nesinu.
Hvað haldið þið? Það á að smala allri famelíunni saman um páskana og smella upp rosalegri kærleiksveislu. Fæ ég velgju. Já. Ég meina það er allir alltaf að rífast. Glætan. Eins og það sé hægt að lækna öll leiðindi með svona lúmsku. Ég meina svo má Afi á Grandanum ekki koma af því að gamla keilan segir að ef honum sé boðið þá verði allt svo dónalegt.
Afi er svo rosalega þægileg manngerð.
Það sést langa leiðir hvað hann á svakalega bágt. Glætan. Það afneita honum allir. Það er verið að gefa í skyn að puttinn sé alki. Bara af því að hann skvettir þetta heilum pela á dag í sig svona innilega rólega rétt yfir ellilúnar varirnar. Við skulum bara athuga það að hitakerfið heima hjá honum er rosalega lélegt.Þetta er nú allur kærleikurinn. Það böggar mig ekkert smá að vita af afa svona einum um hátíðarnar.Hefur bara flöskuna til að tala við, sem er frekar fúlt félagslega. Ég fyrirgef þessu hyski hérna í Hrafanesin aldrei þessi ömurlegu örlög sem það hefur skapað afa gamla.
Pabbi er búinn að minnka
svo svakalega skammtinn af páskaeggjunum, að það má segja að best sé að ég sé bara ein heima.Sénsinn. Ég sé alveg að bræður mínir Bubbi og Baddi eru meira en í meðallagi fegnir að afi kemur ekki um páskana. Þeir eru í því að gefa í skyn að afi hafi síðustu sjö árin stolið frá þeim minnst fimm af átta eggjum sem þeir hafa fengið á páskunum og selt þau á kreppukostum hérna á Nesinu.
Við skulum átta okkur á því
að Nesbúarnir eru alltaf til í að græða smá. Glætan. Afi rétt getur komist á klóið svo tæpur er hann í öxlinni. Þoli ég svona ómerkilegt pakk? Nei. Og þá meina ég þau mega öll böggast í burtu mín vegna. Það er ekki sénsinn að ég neiti mér um þetta átta til þrettán páskaegg.Særð 18 takk. Bara af því að gamli hællinn vill láta líta út eins og það sé kreppa.
Kjaftæði. Hérna böggast seðlarnir út um allt.
Ég er búin að sjá það sem hefur verið keypt og það er nákvæmlega eitt egg á mann sem er sjúkleg níska verð ég að segja. Þau eru öll eins og sæmilega stór geirvarta á stærð, sem er algjör jóakimsháttur í gamla bola. Það sjá allir. Geðheilsa mín er hreinlega að böggast frá mér, enda meðferðin á manni ömurleg.
Við skulum bara athuga það
að þegar ég ráðlagði Jóu vinkonu að tryggja sér sæmilegan slatta af páskaeggjum, þá gekk allt upp með það sama. Hálf stofan hjá þeim er full má segja af eggjum. Jóa sagði bara með góðum fyrirvara, að ef plastgengið ætlaði að spara páskaeggin, þá væri öruggt að hún myndi leyta eftir fjárframlagi til eggjakaupanna hjá "félagsmálagenginu". Liðið þolir ekki að aðrir viti annað en að þau séu fullkomin, þess vegna var bara pantaður fullur pallbíll frá einni verksmiðjunni af pákaseggjum til að hafa það næs um páskana. Jóa er rosalega ánægð, enda búin með þetta hálfan pallinn.
